27 ივნისს "სუხიშვილებმა" საიუბილეო-საქველმოქმედო კონცერტი გამართა. ანსამბლის დასთან ერთად კონცერტში მონაწილეობდნენ მსოფლიო ბალეტის ვარსკვლავები: ილზე ლიეპა, ნინო ანანიაშვილი, ირმა ნიორაძე, ილია კუზნეცოვი.

ირმა ნიორაძემ სცენაზე "მუხამბაზი" შეასრულა. ახლახან კი გავრცელდა ვიდეო, რომელზეც ილიკო სუხიშვილისა და ირმა ნიორაძის "ოსურია" აღბეჭდილი. მათ მოგვიანებით დავით ოქიტაშვილი და ილიკო და ნინო სუხიშვილების დედა - მოცეკვავე ინგა თევზაძე უერთდებათ. მოცეკვავეები არაფორმალურ გარემოში არიან, შესაძლოა, ეს კონცერტამდე მოსამზადებელი პერიოდი ან 27 ივნისის კონცერტის შემდგომი წვეულებაა.