მაშველებმა ბათუმში, ზღვაში დაკარგული 15 წლის ბიჭის ცხედარი იპოვეს. როგორც შინაგან საქმეთა სამინისტროს საგანგებო სიტუაციების მართვის სააგენტოს თანამშრომელმა ზვიად ჯაფარიძემ განაცხადა, ზღვაზე სამძებრო სამუშაოები სამი დღის წინ დაიწყო და ცხედრის პოვნა დღეს გახდა შესაძლებელი.

მოზარდი 11 ივლისს ხიდიდან გადახტა და მას შემდეგ ის არავის უნახავს. გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს.