"X ფაქტორის" ნახევარფინალში კონკურსანტები მაყურებლის წინაშე ქართული სიმღერებით წარსდგნენ. მაყურებელთა თითქმის მუდმივმა ფავორიტმა გიორგი ნაკაშიძემ ჯანსუღ კახიძის სიმღერა "ჰერიო, ბიჭებო" შეასრულა. მისმა ჩვეულმა ემოციურმა შესრულებამ არა მარტო მენტორი გიორგი გაბუნია, არამედ დარბაზში მყოფი ბევრი ადამიანი ფეხზე წამოაყენა, მათ შორის საქართველოს სამხედრო ძალებში მომსახურე ჯარისკაცები, რომლებიც რიგითი ნაკაშიძის საგულშემატკივროდ იმყოფებოდნენ. გიორგი გაბუნია სცენაზე ავიდა და საკუთარ კონკურსანტს ჩაეხუტა.