ე.წ. ქურდულ სამყაროსთან კავშირში და იარაღისა და ნარკოტიკული ნივთიერების შეძენა-შენახვაში ბრალდებული პირების სასამართლო პროცესი ზუგდიდში საპროტესტო აქციის ფონზე მიმდინარეობდა.
ბრალდებულების ახლობლების მტკიცებით, პროცესზე პროკურატურას ცრუ მოწმეები მიჰყავს და აქციაც სწორედ ამ ფაქტის გასაპროტესტებლად დაგეგმეს.
აქციაზე მომიტინგეებსა და პოლიციელებს შორის სიტყვიერი დაპირისპირება მოხდა, რა დროსაც სამართალდამცველებმა ორი ქალბატონი შორენა ქუხილავა და მანანა ლიპარტელიანი დაააკავეს.
აქციის მონაწილეების მტკიცებით, დაპირისპირება ზუგდიდის სამმართველოს უფროსის კობა ხარებავას პროვოცირებული იყო.
ე.წ. ქურდულ სამყაროსთან კავშირში ბრალდებული 10-მდე პირი სამეგრელოს სხვადახვა რაიონებში გასული წლის 10 სექტემბერს დააკავეს.