ჩაძინებული პოლიციელები და სერიალის საყურებლად მოპარული ტელევიზორი. გურჯაანის სასამართლოდან 21 წლის დიმა ხაჩიშვილის გაქცევა მთელი საქართველოს სახუმარო თემა გახდა. არადა , მანამდე სამართალდამცველების გაბრიყვება 50 წელს გადაცილებულმა ველისციხელმა მამაკაცმა შესძლო. მისი თქმით, რძალმა სერიალების ყურების საშუალება არ მისცა, გამოსავალი კი მარტივად იპოვა და ტელევიზორი პოლიციის შენობიდან , სამართალდამცველების დაუკითხავად, სახლში წაიღო.