აჭარაში, სოფელ ქვედა სალიბაურში მცხოვრებმა ქალმა, ოჯახის ინფორმაციით, თავი ჩამოიხრჩო. სამი მცირეწლოვანი შვილის დედის გარდაცვალების ფაქტზე საქმე თვითმკვლელობამდე მიყვანის მუხლით აღიძრა, თუმცა ვინ ან რამ მიიყვანა ის თვითმკვლელობამდე ამაზე დაზუსტებული პასუხი არ არსებობს. სამაგიეროდ ეჭვები აქვთ გარდაცვლილის მშობლებს. ისინი შვილის თვითმკვლელობამდე მიყვანაში ქმრის ოჯახს ადანაშაულებენ.