27 ივლისს იურმალაში "ახალი ტალღა 2014"-ის დასკვნითი კონცერტი და კონკურსანტების დაჯილდოება გაიმართა. მაყურებელთა სიმპათია სომეხი კონკურსანტი სონია რუბენიანი გახდა. ალა პუგაჩოვამ სპეციალური პრიზი - "ალას ვარსკვლავი", რომლის ღირებულება 20 000 ევროა, ლატვიელ სტას შურინს და ლიტველ მონიკა ლინკიტის გადასცა.

МУЗ-ТВ-ს ჯილდო ლეონიდ აგუტინმა რუსეთის სახელით გამოსულ კონკურსანტ ნოდარ რევიას გადასცა. მესამე ადგილზე უკრაინელი ვიაჩესლავ რიბიკოვი გავიდა, რომელმაც 20 000 ევრო მიიღო, მეორეზე ასევე უკრაინელი ვიქტორია პეტრიკი - მას 30 000 ევრო ერგო. გამარჯვებულ ქართველ კონკურსანტს, ნუცა ბუზალაძეს პრიზად 50 000 ევრო გადასცეს. ნუცამ მადლობა ინგლისურ ენაზე გადაუხადა ჟიურის წევრებს, პროდიუსერებს, "ახალი ტალღის" შემოქმედებით ჯგუფს, შემდეგ კი სცენაზე კიდევ ერთხელ გამოვიდა და მაია კაჭკაჭიშვილის სიმღერა In My Dreams შეასრულა.