შევარდნაძესთან მეგობრობის გამო, ქართველი ინტელიგენციის შევარდნაძისადმი უარყოფითად განწყობილი ნაწილი, ნოდარს კიცხავდა კიდეც. გარდა იმისა, რომ ამ ორ ადამიანს, გურული ხალასი იუმორი აკავშირებდა, შევარდნაძემ იგი სიკვდილსაც გადაარჩინა. კერძოდ, მეორე ინფარქტის დროს, რომელიც მას გულრიფშში დაემართა და სოხუმის საავადმყოფოში იწვა, კრემლიდან ჩამოუყვანა ექიმთა ჯგუფი, რომლებმაც ნოდარი გადაარჩინეს. დედა ენის ძეგლის დადგმაც ნოდარის რჩევით მოხდა ედუარდ შევარდნაძის ცეკას მდივნობის პერიოდში.