ციხე-სიმაგრე ბალტანთან მონღოლთა მტრის, ხვარაზმელების მიერ გამოსროლილმა ისარმა დიდი ყაენის საყვარელ შვილისშვილს, ჩაღათაის შვილ მუთუგანს გული გაუნგმირა. მას მუსლიმანთა ქვეყნის ხანობა მოელოდა, მაგრამ შემთხვევით გამოსროლილმა ისარმა მოუსწრაფა სიცოცხლე. ჩინგიზ ხანის ბრძანებით უკლებლივ ყველა ამოხოცეს, ცოცხალი არავინ დატოვეს. იმ ბრძოლის შემდეგ ციხე-სიმაგრე ბალტანის ადგილას არც არავინ დასახლებულა და მიწაც დაუმუშავებელი დარჩა, ამ ტრაგიკულ ადგილს "მაუ ყორღანი" უწოდეს, რაც მწუხარების ბორცვს ნიშნავს.