ერთხელ, როცა ყარაულს ამოწმებდა, ნაპოლეონმა პოსტზე მძინარე ჯარისკაცი შენიშნა. კანონის მიხევდოთ, მას დახვრეტა ელოდა, რადგან ჯარისკაცს, რომელსაც პოსტზე ძინავს და სხვების სიცოცხლეს საფრთხეში აგდებს, შენდობა არ აქვს. მაგრამ ნაპოლეონმა სხვა გადაწყვეტილება მიიღო:მან არ გააღვიძა დაღლილი მებრძოლი, თავად აიღო თოფი და პოსტზე დადგა. ამბობენ, რომ როცა ჯარისკაცებმა ეს ამბავი შეიტყვეს, ისინი გაათკეცებული გამბედაობით სიკვდილზე მიდიოდნენ სათაყვანებელი მხედართმთავრის გულისათვის.