ასეთი პოლიტიკოსები რომ გვყავდა და გვყავს, ამიტომაც ვართ დაქცეულები.

,,სრულიად აღმაშფოთებელია ის ძალადობა და ტერორი, რომელიც წინასაარჩევნო პერიოდში ოპოზიციის წარმომადგენლების მიმართ ხორციელდება.ამასთან, არავითარი მნიშვნელობა არა აქვს, ასეთი ტერორი რომელი პარტიის წინააღმდეგ წარმოებს, ან ნაციონალები ვის მოსწონს, ვის სძულს, ან სულაც არც არაფერს გრძნობს მათ მიმართ. ყველა ჩვენგანის მოვალეობაა, არ დვუშვათ ასეთი ძალადობა და დევნა ქვეყანაში არავის მიმართ! ტყუილა ნუ აპელირებენ ხელისუფალნი 9 წლის მანძილზე დაზარალებულ მოსახლეობაზე და ვითომდაც სპონტანურად მომხდარ თავდასხმებზე, სწორედ ხელისუფალნი აღვივებენ ყოველდღიურად სიძულვილს და ყოფენ და ერთმანეთს უპირისპირებენ ადამიანებს. ხოლო, რაც შეეხება მართლა დაზარალებულებს, მათ დასახმარებლად ხელისუფლებას არავითარი ნაბიჯი არ გადაუდგამს. ჩვენი და არა მარტო ჩვენი აზრით, სწორედ ხელისუფლება დგას ამგვარი ორგანიზებული თავდასხმების უკან. ეს არა მარტო ბოროტების, ანტიდემოკრატიულობის და განსხვავებული აზრისადმი შეუგუებლობის გამოხატულებაა, არამედ ვფიქრობთ ევროპასთან ასოცირების ხელსეკრულებისთვის ხელის შეშლის პრორუსულ, უფრო ზუსტად პროპუტინისტურ გეგმასაც ემსახურება.

მოვითხოვთ ხელისუფლებისგან შეწყვიტონ ქვეყანაში შიდა, პარტიული დაპირისპირების გაღვივება, ახლა განსაკუთრებით არ არის ამის დრო და შეასრულონ მათი პირდაპირი მოვალეობა – ქვეყანაში აღმშენებლობა, აზრის გამოხატვის უფლების უზრუნველყოფა და ქვეყნის გარედან მომავალი უდიდესი გამოწვევის ადეკვატურად გამკლავება“, - წერს ,,ილია ჭავჭავაძის საზოგადოების“ სახელით თამარ ჩხეიძე.