"ბაბუა ვარ!", "შევახრამუნებ!", "გავგიჟდი!" – აღფრთოვანებული სტატუსებით გამოეხმაურა "ფეისბუქის" საკუთარ გვერდზე პირველი შვილიშვილის დაბადებას ტელეკომპანია "მაესტროს" დამფუძნებელი მამუკა ღლონტი. 17 იანვარს მის ოჯახში მეოთხე გოგო გაჩნდა – უფროს ქალიშვილს, თამუნას, შეეძინა ქალიშვილი. თავად ბატონი მამუკა სამი გოგოს მამაა. ამბობს, რომ ბიჭი არასოდეს სდომებია. თამუნა რადიო "მაესტროს" წამყვანი გახლავთ. დაახლოებით წელიწადნახევრის წინ გათხოვდა პროფესიით ექიმ დავით ავალიანზე.