Deutsche Welle - ის ინფორმაციით გაერომ კვლევის შედეგები გამოაქვეყნა, სადაც აღწერილია იმ ბავშვების რაოდენობა, რომლებიც სკოლაში ვერ დადიან.

"ომებისა და უკიდურესი სიღარიბის გამო, 264 მილიონი ბავშვი და მოზარდი, მსოფლიო მასშტაბით, სკოლაში ვერ დადის." - ნათქვამია გაეროს საბავშვო ფონდის (Unicef) მოხსენებაში.

წყაროს ცნობით ამ პრობლემის გადასაჭრელად 340 მილიარდი დოლარია საჭირო.

ბავშვების სკოლებში წასვლის პრობლემად, აფრიკის ქვეყნებში სკოლების არასებობაა და სპეციალურ სხდომაზე წევრებმა მაგალითად ნიგერიის ჩრდილო-აღმოსავლეთში არსებული სიტუაცია მოიყვანეს.

არსებული ინფორმაციით ნიგერიაში ტერორისტული აქტების შემდეგ 1400 -მდე სკოლა დაინგრა და 2000 - ზე მეტი მასწავლებელი გარდაიცვალა.