რიკოთის გვირაბთან ტრაილერის და მსუბუქი ავტომობილის შეჯახების შედეგად 6 ადამიანი დაიღუპა. ავტოზაგზაო შემთხვევა წუხელ მოხდა. გზის საპირისპირო ზოლში მოძრავი ტრაილერი მსუბუქ მანქანას დაეჯახა. შემთხვევის შედეგად 5 ადამიანი ადგილზე გარდაიცვალა, ერთი მათგანი კი ხაშურის საავადმყოფოში გადაიყვანეს, ის დილით გარდაიცვალა. როგორც ამ დროისთვის არის ცნობილი ტრაილერის მძღოლი დაკავებულია.

გამოძიება სისხლის სამართლის კოდექსის 276-ე ნუხლის მე-7 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.