ჰოლივუდის ვარსკვლავს, ჯონი დეპს, ცოლთან გაყრა ძალიან ძვირი დაუჯდა. როგორც იუწყება დასავლეთის პრესა, 49 წლის მსახიობი, თავის ყოფილ მეუღლეს, 157 მილიონ დოლარს გადაუხდის. ჯონი დეპი ირწმუნება, რომ ამას იგი თავისი შვილების გამო აკეთებს. ჯონი დეპისა და ვანესა პარადის გაყრა ნამდვილი შოკი იყო მათი მეგობრებისთვის და თაყვანისმცემლებისთვის. მათი წყვილი ჰოლივუდში ითვლებოდა ყველაზე ძლიერად, მიუხედავად იმისა რომ 14 წლიანი ურთიერთობა ოფიციალურად არ ჰქონდათ დარეგისტრირებული. გაყრის ნამდვილი მიზეზების შესახებ მხოლოდ შეგვიძლია ვივიარაუდოთ, თვითონ ვარსკვლავები კი სიტუაციას ლაკონურად ახასიათებენ-"მშვიდობიანად დავშორდით". არადა ყველაფერი რა ლამაზად დაიწყო!