გაზეთ „ქრონიკა+“ის მთავარი რედაქტორი ელისო კილაძე ამბობს, რომ პანკისის სპეცოპერაციისას დაჭრილ თემირლან მაჩალიკაშვილის ხელზე დენთის კვალი არ აღმოჩნდა და ამას ექსპერტიზაც ადასტურებს. ამის შესახებ ჟურნალისტი სოციალურ ქსელში წერს.

„სულ აირივნენ სუსში.
კადრებს აჩვენებენ უხმოდ, მაჩალიკაშვილი ჩატაევის თანმხლებ პირებთან ერთად დასეირნობდა თბილისშიო.
კადრები თუ გქონდათ, ან სალოსის ქუჩაზე რატომ მოაწყვეთ ოცააათიანი ომი, ან პანკისში რატომ ჩაატარეთ სპეცოპერაცია?!
საბანკო ქვითრები გამურული თუ იყო, ჰა?!
ექსპერტიზის დასკვნა გამოაჩინეთ, სადაც სამხარაულის ექსპერტები წერენ რომ თემირლან მაჩალიკაშვილის ხელზე მეტალის და დენთის კვალი არ აღმოჩნდა ანუ მას ხელყუმბარა ხელში არ ჭერია!“ - წერს კილაძე.