x
image
ილია მარტყოფლიშვილი
კიდევ ერთი ძლიერი ხანძარი და სამი გარდაცვლილი (ვიდეო)

image

სამი ადამიანი ემსხვერპლა ხანძარს რუსთავში. ცეცხლი მეგობრობის 3 ნომერში, გვიან ღამით გაჩნდა. შემთხვევის შედეგად ორი ადამიანი ადგილზე დაიღუპა, ერთი კი კლინიკაში” გადაყვანის შემდეგ. კიდევ ერთ დაშავებულს ექიმები ამ დროისთვის ოპერაციას უტარებენ.


ცეცხლს დაკვამლიანება მოჰყვა და საჭირო გახდა მოსახლეობის ევაკუაცია. გამოძიება ადამიანის სიცოცხლის მოსპობის მუხლით დაიწყო. ადგიზლე ამ დრომდე მოუშაობენ ექსპერტ კრიმინალისტები.


რუსთავში მომხდარ ხანძართან დაკავშირებით, შინაგან საქმეთა სამინისტრო განცხადებას ავრცელებს. უწყება განმარტავს, რომ ხანძრის შესახებ ინფორმაცია 112-ში შევიდა, რის შემდეგაც ადგილზე 5 სახანძრო-სამაშველო ჯგუფი მივიდა.


უწყებაში თქვეს, რომ ​მეხანძრე-მაშველებმა შენობიდან მოსახლეობის ევაკუაცია განახორციელეს. ცეცხლის ქრობის პარალელურად, ჯამში, 25-ზე მეტი ადამიანის უსაფრთხო ადგილზე გადაყვანა მოხერხდა, მათ შორის იყვნენ არასრულწლოვნებიც.


“საცხოვრებელ კორპუსში გაჩენილი ხანძრის შედეგად, 3 ადამიანი გარდაიცვალა. ძლიერი დაკვამლიანებისა და ცუდი ხილვადობის მიუხედავად, შინაგან საქმეთა სამინისტროს საგანგებო სიტუაციების მართვის სააგენტოს 20-მდე მეხანძრე-მაშველმა ხანძრის ლოკალიზება და ლიკვიდირება უმოკლეს დროში შეძლო. შინაგან საქმეთა სამინისტრომ ხანძრის გამომწვევი მიზეზების დასადგენად გამოძიება 187-ე მუხლის მეოთხე ნაწილით დაიწყო, ” – ნათქვამია განცხადებაში.

ვიდეოს ქვემო ქართლის ტელევიზია ავრცელებს

0
103
1-ს მოსწონს
ავტორი:ილია მარტყოფლიშვილი
ილია მარტყოფლიშვილი
103
  
კომენტარები არ არის, დაწერეთ პირველი კომენტარი
0 1 0