ბრიტანეთში მცხოვრებ ბავშვებს 15 წლის საიმონს და 13 წლის ჯორჯ კალენებს ვამპირის მსგავსად აქვთ წვეტიანი კბილები და ამაღლებული მგრძნობელობა სინათლის მიმართ, რის გამოც მოზარდებისთვის მზეზე ყოფნა არ შეიძლება. ეს ყველაფერი კი იშვიათი გენეტიკური დაავადების ბრალია. მათ აქვთ თანდაყოლილი ექტოდერმული ჰიპოჰიდროტიული დისპლაზია. ეს არის იშვიათი კანის დაავადება. ასეთი ანომალია დაახლოებით 7000 ადამიანს თუ აქვს. ამ დაავადების გამო ბიჭები იძულებულნი არიან, რომ მზის სხივებს მოერიდონ. პირველი გადახრები საიმონის მშობლებმა ბავშვს შეამჩნიეს მისი დაბადებიდან უკვე რამოდენიმე საათში, ხოლო უკვე 6 თვისას ექიმებმა მას დაუსვეს არადამაიმედებელი დიაგნოზი. მაგარმ მიუხედავად ამისა მშობლებმა მაინც გარისკეს მეორე შვილის გაჩენაც. ახალგაზრდა კალენები დროის უმეტეს ნაწილს კომპიუტერულ თამაშებში ატარებენ, რადგან ფიზიკური დატვირთვა დამღუპველია მათი ჯანმრთელობისათვის. გარეთ ისინი გამოდიან მზის სათვალით, ქუდებით და მზისგან დამცავ კრემებს ხმარობენ. მაგრამ პატარა "ვამპირებს" ეს არ ადარდებთ. ისინი სრულიად კმაყოფილნი არიან თავისი გარეგნობით. და არც იმაზე აქვთ რეაქცია, როდესაც გაოცებული ხალხის მზერას გრძნობენ.