სხვა რონალდუმ თავის ჰონორარი კიბოთი დაავადებულ ბავშვებს გადაურიცხა 2016, 18 ივლისი, 15:53 პორტუგალიის ნაკრების ფორვარდმა კრიშტიანუ რონალდუმ "ევრო-2016"-ზე აღებული საპრიზო თანხა, 275 000 ევრო სიმსივნით დაავადებული ბავშვების ფონდში გადარიცხა.
როგორც Lenta.ru იუწყება, რონალდუმ ამავე ფონდს ჩემპიონთა ლიგის 2015/16 სეზონის გამარჯვებისთვის აღებული თანხაც ჩაურიცხა. საერთო ჯამში პორტუგალიელ სუპერვარსკვლავს საქველმოქმედო ფონდებში 10 მილიონი ევრო აქვს გადარიცხული, რითაც მსოფლიოში #1 სპორტსმენი გახდა, რომელსაც ყველაზე მეტი თანხა აქვს გაღებული ქველმოქმედებაში. პორტალმა Lenta.ru-მ რონალდუს ქველმოქმედების ფონზე ირონიულად გაიხსენა სიტუაცია, როდესაც ევროპის ჩემპიონატზე ჩაფლავების შემდეგ რუსეთის ნაკრების ორი ფეხბურთელი ალექსანდრე კოკორინი და პაველ მამაევი შემჩნეული იყვნენ მონტე-კარლოს ერთ-ერთ პრესტიჟულ კლუბში, სადაც შამპანურით ღრეობაში 250 000 ევრო დახარჯეს. მოგვიანებით კოკორინმა ბოდიშიც მოიხადა. 220 7-ს მოსწონს 1-ს არა
|