საზოგადოება ქრისტინა გრიმის მკვლელობის დეტალები 2016, 13 ივნისი, 20:15 ფლორიდის უსაფრთხოების დეპარტამენტმა ამომავალი ვარსკვლავის მომღერალ ქრისტინა გრიმის მკვლელობაში ეჭვმიტანილი მამაკაცის ფოტო გამოაქვეყნა ეს არის 27 წლის კევინ ჯეიმს ლოიბლი ფლორიდიდან მას დანაშაულის ჩადენის დროს თან ჰქონდა ორი დატენილი იარაღი, სანადირო დანა და დამატებითი საფრძოლო მასალები.
ორლანდოს პოლიციის დეპარტამენტში აცხადებენ რომ ლოიბლს არ ჰქონდა კრიმინალური წარსული გარდა ამისა პოლიცია არავითარ საბუთს არ ფლობს ეჭვმიტანილისა და გარდაცვლილის ინციდენტამდე რაიმე კავშირის შესახებ, სავარაუდოდ ისინი ერთმანეთს არც კი იცნობდნენ.
დეტექტივების გუნდი გამოძიებას აგრძელებს საკონცერტო დარბაზ პლაზა ლაივში, უახლოეს მომავალში ეჭვმიტანილის სახლის გაჩხრეკა და ლოიბლის მობილური ტელეფონის და კომპიუტერის შემოწმება იგეგმება.ვოისის მონაწილე და იუთუბის სენსაცია ქრისტინა გრიმი პარასკევს საკონცერტო დარბაზიდან გამოსვლისას ავტოგრაფების დარიგების დროს მოკლეს, თავდასხმის დროს მის გარშემო დაახლოებით 120 ადამიანი იმყოფებოდა მათ შორის იყო მისი ძმა რომელიც პირველი მიიჭრა მკვლელთან, გრიმი საავადმყოფოში კრიტიკულ მდგომარეობაში გადაიყვანეს ის შაბათს გამთენიისას გარდაიცვალა, საკოცნერტო დარბაზის შესასვლელში არ იყო დამონტაჟებული მეტალის დეტექტორები და შეუიარაღებელი დაცვა მხოლოდ დამსწრე აუდიტორიის ჩანთებს ამოწმებდა, ინციდენტს დიდი გამოხმაურება მოჰყვა სოციალურ მედიაში “ვუთანაგრძნობ ქრისტინას ოჯახს ეს დიდი ტრაგედიაა" ასეთი სტატუსი გამოაქვეყნა თვითერის გვერდზე ჯოშ კაუფმანმა რომელიც გრიმს 2014 წელს ვოისის მოგებაში დაეხმარა. 227 6-ს მოსწონს
|