"უკრაინასა და საქართველოში დაიწყება სუვერენული მონეტების გამოცა, რომლებზეც ოდესის ოლქის გუბერნატორი მიხეილ სააკაშვილია გამოსახული"-ამ ინფორმაციას უკრაინული პორტალი "dumskaya.net" ავრცელებს. პოტენციურ მყიდველებს შესაძლებლობა ექნებათ აირჩიონ სპილენძის, ნიკელის, ვერცხლის ან ოქროს მონეტები. მონეტის წინა მხარეს მიხეილ სააკაშვილის პორტრეტი ამშვენებს, უკანას კი შავი ზღვა. მონეტების ფასი საკმაოდ სოლიდურია და ის 850-დან 35000 გრივნამდე მერყეობს. "ჩვენს პროექტს პოლიტიკური მიზანი არ აქვს, უბრალოდ აღფრთოვანებული ვართ მიხეილის საქმით და გადავწყვიტეთ, რომ ის იმსახურებს ასეთ საჩუქარს დაბადების დღესთან დაკავშირებით და შეიძლება უკრაინის პრემიერ-მინისტრის პოსტზე დანიშვნის წინაც"-აცხადებს იდეის თანავტორი დენის რუდენკო.

მონეტების რაოდენობა შეზღუდულია, თუმცა გამორიცხული არ არის მოთხოვნის შემთხვევაში კიდევ გამოუშვან. საგულისხმოა ის ფაქტიც, რომ სოლიდური თანხა მყიდველებს ხელს არ უშლის. გაყიდვების პირველ დღეს შეუკვეთეს სამი სპილენძის, ნიკელის, ორი ვერცხლის და ერთი მოოქროვილი მონეტა. მონეტების გამოყენება მხოლოდ სუვენირადაა შესაძლებელი.

პროექტის მომხრეები ამტკიცებენ რომ ოდესის გუბერნატორის უფლებები არ ირღვევა, რადგან ეს ფაქტი მის პირველ მოადგილესთან შეათანხმეს და შესაბამისად სამართლებრივი კუთხე მოგვარებულია.

საინტერესოა ის ფაქტიც, რომ მონეტები "ქართულია", კერძოდ კი ათასლარიანია. ამ ყველაფერთან დაკავშირებით მიხეილ სააკაშვილს ჯერ კომენტარი არ გაუკეთებია.