კიმ კარდაშიანის ნახევარ დებს, 20 წლის კენდალს და 18 წლის კაილი ჯენერებს ავსტრალიაში, კერძოდ სიდნეიში კვერცხები ესროლეს. ინციდენტი მოხდა სავაჭრო ცენტრში, მათი ტასაცმლის ხაზის–“Kendall+Kylie Collection''-ის პრეზენტაციის დროს. სატელევიზიო შოუ “კარდაშიანების ოჯახი''–ს ყველაზე პატარა მონაწილეები აძლევდნენ ინტერვიუს, როდესაც სავაჭრო ცენტრის მეორე სართულიდან მათ კვერცხები ესროლეს. როგორც შემდეგ პოლიციელებმა გაარკვიეს, კვერცხები მათ 25 წლის გოგონამ დაუშინა, რომელმაც დაკავების დროს სცადა წინააღმდეგობა გაეწია პოლიციელებისთვის. რა მოტივი ჰქონდა ბრალდებულს ჯერ–ჯერობით უცნობია.