უკრაინულ მედიაში გავრცელდა ვიდეომასალა, სადაც ასახულია მიხეილ სააკაშვილის შელაპარაკება უკრაინის უზენაესი რადას დეპუტატთან. შემთხვევა ჩერნიგოვში, უზენაესი რადას შუალედური არჩევნების დაწყების ფონზე მოხდა.

ვიდეომასალაში ასახულია უკრაინის სახალხო დეპუტატის ბორის ფილატოვისა და ოდესის ოლქის გუბერნატორის მიხეილ სააკაშვილის შელაპარაკება. ფილატოვი თავდაპირველად "პეტრო პოროშენკოს ბლოკის" დეპუტატობის კანდიდატს სერგეი ბერეზენკოს დაუპირისპირდა და ამომრჩევლების მოსყიდვაში დაადანაშაულა, შემდეგ კი სააკაშვილს მიმართა.

ბორის ფილატოვი: გადაგაქვთ ხომ ხმები? არ მინდა, რომ ეს გარეწარი აქ ფულს არიგებდეს! თქვენც ხომ არ გინდათ დაარიგოთ ფული?
მიხეილ სააკაშვილი: მე არანაირი ფული არ მაქვს.

ბორის ფილატოვი: თქვენ, თქვენი პოლიტიკური კაპიტალი გაანიავეთ!
მიხეილ სააკაშვილი: მე არ მინდა, რომ ვიღაც გაბღენძილმა ნაძირლებმა მორალი მიკითხონ. რეკეტიორო, რეიდერო და გაბღენძილო ნაძირალავ!

აღსანიშნავია, რომ ფილატოვი დამოუკიდებელი დეპუტატია.