პოეზია გულისცემა 2015, 17 ივლისი, 22:26 ყოველ წამს გესმის რომ გიცემს გული, ის ცოცხალია – მშვენიერია, თუმცა ვერ ხვდები რა გიხარია, ან რა გაღელვებს – საოცარია. დაუფიქრებლად, აუჩქარებლად გზას მიუყვები, გულიც ისევ ძგერს; ცდილობს ტაქტიდან არ ამოვარდეს, როცა იხილავს ძვირფას საუნჯეს. ყოველთვის რაღაც განცდა გაწუხებს – რომ ერთ დღეს გული სულ მიგატოვებს. არ გინდა ფიქრი, შიშის ზარი გცემს – ყველაზე ძვირფასს ის თან წაიღებს. დადგება ჟამი მარადისობის, მსოფლმხედველობის გადაფასების. რაც ასე გაფრთხობს, ასე გაშინებს, რომ შეეხები – დროს დაგავიწყებს. სარკმელთან დღეს და ღამეს ასწორებ, ვერ ამჩნევ – ბინდი ერევა ნათელს, ნუთუ შეძლებ და თვალს გაუსწორებ გულში დანთებულ ელვარე სანთლებს. შენი ყოფის აზრს ვერსად პოულობ, მოხვედი როგორც დამკვირვებელი; და გულისცემა ისევ გახსენებს – რომ ხარ სიცოცხლის მატარებელი! 41 6-ს მოსწონს
|