ამერიკელი მსახიობი მერილ სტრიპი ამერიკული Vogue-ის იანვრის ნომრის ფოტოსესიაში გადაიღეს.

ფოტოები ჟურნალისთვის გადაიღო ენი ლეიბოვიცმა.

გადაღება ჩატარდა ნიუ-იორკის შტატის ჩრდილოეთ ნაწილში.

როგორც ყოველთვის მერილი დახვეწილი და მეტად ქალურია.

ფოტოგადაღება ერთგვარი რეკორდიც გახლავთ, რადგან მსახიობი 62 წლისაა და ამ ხნის ქალბატონი აქამდე ჟურნალის გარეკანზე არ მოხვედრილა.

ჟურნალის ისტორიის მანძილზე ყველაზე „ხანდაზმული“ ქალბატონი გახლდათ 54 წლის პრისცილა პრესლი, რომელიც 2004 წელს ფოტოსესიაში ქალიშვილთან და შვილიშვილთან ერთად გადაიღეს.

წელს მერილი ოსკარის ერთ-ერთი პრეტენდენტი გახლავთ ფილმში „რკინის ლედი“ შესრულებული მარგარეტ ტეტჩერის როლისთვის.

მერილ სტრიპი წელს ამერიკის გავლენიან ქალბატონებს შორის დასახელდა და მიწვეული იყო თეთრ სახლში დაჯილდოებაზე.