საგზაო ინსპექციის თანამშრომლების "უმოწყალობა" ყველასთვის ცნობილია, მაგრამ იმან, რაც გერმანიის ქალაქ კარლსრუეში მოხდა, ყველანაირ მოლოდინს გადააჭარბა.

ინსპექტორმა არასათანადო ადგილზე გაჩერებისთვის ჯარიმა გამოუწერა ერვინ ვურმის...ქანდაკებას! ავსტრიელი მხატვარი ცნობილია თავისი ირონიული სკულპტურებით, რომლებსაც აკეთებს ჩვეულებრივი საგნებით ოღონდ ისე, რომ სასაცილოდ უცვლის მათ ფორმასა თუ ზომას. სწორედ ერთ-ერთი ასეთი ქანდაკება, სახელწოდებით "Mercedes-Benz-ის სატვირთო", დააჯარიმა საგზაო ინსპექტორმა ისე, რომ ყურადღებაც არ მიუქცევია მისი უცნაური ფორმისთვის...