''კომსომოლსკაია პრავდაში'' რუსი ქალბატონები ეჭვს გამოთქვამენ პრინცესას დაბადების ირგვლივ. ''თუ მან ნამდვილად გააჩინა ბავშვი, როგორ შეძლო ხუთი საათის მერე საკუთარი ფეხით გავლა? ის მხოლოდ რამდენიმე დღის მერე უნდა გამოეწერათ. ან როგორ გამოიყურება ასე კარგად ახლად ნამშობიარებზე? მის თვალებში არ იკითხება განსაკუთრებული დედობრივი მზერა, რაც ამ დროს შეინიშნება ქალში. თანაც, დააკვირდით, ბავშვი სულაც არ ჰგავს ახალდაბადებულს, ის სამი დღის ან სულაც 7-10 დღის წინ გაჩენილს ჰგავს. ქეითს ყალბი მუცელი ეკეთა, რომ დავერწმუნებინეთ, ფეხმძიმედ იყო...''
მოსკოვის ერთ-ერთი კლინიკის გინეკოლოგი ურჩევს ქალებს, რომ არ მიბაძონ ქეითის მაგალითს ''ჩვენს საავადმყოფოში ასეთი პრაქტიკაა, ქალები მშობიარობიდან სამი-ოთხი დღის მერე ტოვებენ კლინიკას, თუ ყველაფერი კარგად აქვთ, ეს საუკეთესო გზაა, არ აითვისონ ვირუსები, რაც ჰაერში მრავლადაა, ჯანმრთელობისთვის კი სარისკოა '', - აცხადებს ექიმი.