"სლავიანკა" - ეს არის უგემრიელესი ტორტი, რომლის რეცეპტშიც გამოყენებულია ჰალვა. ეს ერთგვარი უჩვეულო ინგრედიენტია, განსაკუთრებით კრემში, თუმცა სწორედ ის განაპირობებს ამ დესერტის ორიგინალურობას და დაუვიწყარ გემოს.

ინგრედიეტები:

ბისკვიტისთვის:

შაქარი - 150 გ.

ფქვილი - 150 გ.

კვერცხი - 6 ცალი

კრემისთვის:

კარაქი 280 გ.

შესქელებული რძე 170 გ.

ჰალვა - 80 გ.

შაქრის პუდრი - 10 გ.

კვერცხი 1 ცალი

ვანილი - 1 ჩ.კ.

მომზადება:

ავთქვიფოთ კვერცხის ცილები და შაქარი მყარი მასის მიღებამდე, შევათქვიფოთ თითო-თითოთ კვერცხის გულები. დავამატოთ ფქვილი და კოვზით მხოლოდ რამდენჯერმე ამოვურიოთ. გადავიტანოთ პერგამენტიან საცხობ ყალიბში. გამოვაცხოთ 15-20 წთ, 200 გრადუსზე.

გავაგრილოთ და ფრთხილად მოვაშოროთ ქაღალდი. გვერდები ჩამოვაჭრათ, რათა სწორი კუთხეები მივიღოთ. ჩამოჭრილი გვერდები დავფხვნათ.

ბისკვიტი გავჭრათ 3 თანაბარ ნაწილად, რათა მივიღოთ გრძელი და ვიწრო ტორტი.

კარაქი ავთქვიფოთ გათეთრებამდე, დავამატოთ კვერცხის გული, ჰალვა, შესქელებული რძე, შაქრის პუდრა და ვანილი. ყველაფერი კარგად ავთქვიფოთ.

ავაწყოთ ტორტი ჩვეულებრივი წესით: ბისკვიტი+კრემი+ბისკვიტი და ა.შ. სამივე ფენისთვის. ცოტა კრემი გვერდებისთვისაც მოვიტოვოთ. თავსა და გვერდებზე მოვაყაროთ დაფხვნილი ბისკვიტი.

უმჯობესია ტორტი მეორე დღეს მიირთვათ.