ძალიან კარგია თუ გადაწყვიტეთ ამ მავნე ჩვევას თავი დაანებოთ, თან გაითვალისწინეთ, რომ დღეს სულაც აღარ არის მოდური სიგარეტის მოწევა. საზღვარგარეთ ეს დიდ სირცხვილადაც ითვლება. როდესაც თავს ანებებთ მოწევას, აი, რა პროცესები ხდება თქვენს ორგანიზმში: 20 წუთში თქვენი პულსი და წნევა არამწეველის წნევასავით დარეგულირდება. 8 საათის შემდეგ კი სისხლში ნიკოტინის და მხუთავი გაზის რაოდენობა განახევრდება, ჟანგბადის რაოდენობა კი ნორმალურ ზღვრამდე მიდის. 24 საათის შემდეგ მთლიანად გადის ორგანიზმიდან მხუთავი გაზი. ფილტვები გასუფთავებას იწყებს. 48 საათის შემდეგ ორგანიზმში ნიკოტინი საერთოდ აღარ რჩება. აღდგენას იწყებს მგრძნობელობა გემოსა და სუნის მიმართ. 72 საათის შემდეგ სუნთქვა თავისუფალი ხდება. ნელ-ნელა ქრება ხველებაც...ბრონქები დუნდება და ორგანიზმში ენერგია იმატებს. 10-12 კვირის შემდეგ ფიზიკური დატვირთვა გაცილებით იოლი ასატანი ხდება. 3-9 თვის შემდეგ მთლიანად ქრება სუნთქვასთან დაკავშირებული პრობლემებიდა ხველა. 1 წლის შემდეგ გულის შეტევის რისკი ორჯერ მცირდება. 10 წლის შემდეგ კიბოს გაჩენის რისკიც ნახევრდება. 15 წლის შემდეგ კი გულის შეტევის რისკი ისეთივე ხდება, როგორიც აქვს არამწეველ ადამიანს... თუ ადამიანი 35 წლის ასაკში მაინც დაანებებს თავს მოწევას, იცოცხლებს ზუსტად ისევე, როგორც არამწეველი