მსოფლიო კულინარიის სფეროში კარგად არის ცნობილი დესერტი, სახელწოდებით "ანა პავლოვა", რომლის ირგვლივ რამდენიმე წლის წინ სერიოზული სკანდალი აგორდა. საქმე ის არის, რომ ოქსფორდის კულინარიული ლექსიკონის შექმნის პროცესში ამ ტკბილეულის წარმოშობის დადგენა საკმაოდ გაჭირდა, რადგან მის სამშობლოდ თავს აცხადებდა ავსტრალია და ახალი ზელანდია. თუმცა, საბოლოოდ გაირკვა, რომ დესერტი პირველად მომზადდა 1926 წელს, ველინგტონში ახალ ზელანდიაში. აქ გასტროლებზე მყოფი რუსი ბალერინას, ანა პავლოვას ცეკვით მოხიბლულმა ერთ-ერთმა კულინარმა მოამზადა პირველად ეს საკმაოდ ჰაეროვანი და მსუბუქი დესერტი. თუმცა სახელწოდება "ანა პავლოვა" მან სწორედ ავსტრალიურ გამოცმებში, 1940-იან წლებში მიიღო. ასე რომ, გაიმარჯვა მეგობრობამ!

ახლა კი შემოგთავაზებთ ამ ლეგენდარული დესერტის რეცეპტს:

"ანა პავლოვა"

ინგრედიეტები:

4 კვერცხის ცილა
225 გ. შაქრის პუდრი (+ ცოტაოდენი შაქარი ნარებთან ასათქვეფად, გემოვნებით)
1 ჩ.კ. ლიმნის წვენი ან ძმარი
ვანილი
1 სუფრის კოვზი კრახმალი
550 მლ ნაღები (30%-იანი)
ნებისმიერი სასურველი ხილი: მარწყვი, ბანანი, ალუბალი, კივი და ა.შ.

მომზადება:

1. ათქვიფეთ კვერცხის გულები ბეზეს კონსისტენციამდე. თანდათან შეათქვიფეთ შაქარი და მიიყვანეთ გამყარებამდე.

2. ცალკე აურიეთ ძმარი, ვანილი და კრახმალი. დაუმატეთ მიღებული მასა ბეზეს და თქვიფეთ კიდევ 4 წუთი.

3. პერგამენტზე დახაზეთ 20 სმ-ის დიამეტრის წრე. გადაიტანეთ ამ წრეზე კოვზით ბეზე. კიდეებზე ოდნავ აუწეთ, რათა ბეზემ "ბუდის" ფორმა მიიღოს.

4. გამოაცხვეთ 130 გრადუსზე 1 სთ და 15 წუთი. შემდეგ გააღეთ ღუმლის კარი და ასე დატოვეთ სრულ გაგრილებამდე.

5. ათქვიფეთ ნაღები და შაქარი (თქვენი გემოვნების მიხედვით) მყარ კონსისტენციამდე.

6. წაუსვით ნაღების კრემი ბეზეს და მორთეთ დაჭრილი ხილით.

შეგიძლიათ ბეზეს რამდენიმე ფენა გამოაცხოთ და შუაში კრემი წაუსვათ. ან კიდევ მცირე ზომის, თითო პორციაზე გათვლილი "პავლოვები" გააკეთოთ.