იტალიელი არტისტი სვენ საჩსალბერი თივის ზვინში ეძებს ნემსს - ამ გამოთქმის პირდაპირი მნიშვნელობით. სვენი იმ არტისტთა რიგს მიეკუთვნება, რომელთაც ორიგინალური, ექსტრავაგანტური და ზოგჯერ, ჩვეულებრივი ადამიანის გადმოსახედიდან ცოტა არ იყოს, სულელური საქმიანობით უყვართ თავის შექცევა. თივის ზვინთან დაკავშირებულ ექსპერიმენტამდე მან მოასწრო შხამიანი სოკოს შეჭმა, ძროხასთან ერთად ერთ ოთახში 24 საათით გაჩერება და უზარმაზარი ხის ხელით მოჭრა.