ქუთაისის მერიასა და საკრებულოში გამოცხადებულ 179 ვაკანტურ ადგილზე 4263 განაცხადია შესული. კონკურსში მონაწილეობის სურვილი 1283 ადამიანმა გამოთქვა. არსებული ინფორმაციით, 16 ნოემბერს ტესტირება ჩატარდება.

ქუთაისის მუნიციპალიტეტის მერიის და საკრებულოს მუდმივმოქმედი საკონკურსო-საატესტაციო კომისიის შემადგენლობა ასე გამოიყურება: კომისიის თავმჯდომარე, ქუთაისის საკრებულოს თავმჯდომარე დავით დვალი, მოადგილე კი, თეა ჯუღელი. ხოლო წევრები არიან, ქუთაისის მერი შოთა მურღულია, ივანე აფრიდონიძე, გიორგი ტოკლიკიშვილი, რუსუდან ხაჭაპურიძე.