გთავაზობთ კიდევ ერთ საინტერესო რეცეპტს ციკლიდან გამოცდილი რეცეპტები. ეს არის ერთგვარი უჩვეულო პეროგი გახეხილი ვაშლითა და მოხარშული კრემით. განსაკუთრებით მოეწონებათ მათ, ვისაც ტკბილი და მომჟავო გემოს ერთობლიობა მოსწონთ.

მოსამზადებლად დაგვჭირდება:

ცომისთვის

6 კვერცხის გული

1 ჩ.ჭ. არაჟანი

2 ჩ.ჭ. შაქარი

100 გ. კარაქი

1 ჩ.კ. სოდა + 1 ს.კ. ძმარი

ვანილი

ფქვილი, რამდენსაც შეიზელს

კრემისთვის

4 კვერცხის გული

500 მლ. რძე

1, 3/4 ჩ.ჭ. შაქარი

0.5 ჩ.ჭ. ფქვილი

150 გ. კარაქი

ვანილი

5 ცალი საშუალო ზომის გახეხილი ვაშლი

მომზადება:

კვერცხის გულები და შაქარი ავთქვიფოთ, დავამატოთ არაჟანი, გამლღვალი კარაქი, სოდა, ძმარი, ვანილი და ფქვილი. მოვზილოთ ნაზი ცომი. გავყოთ 4 ნაწილად (3 დიდი ნაწილი + 1 ძალიან პატარა) და ცალ-ცალკე გამოვაცხოთ თხელ ფენებად, ცხიმწასმულ და ფქვილმოყრილ ფორმაზე, 180 გრადუსზე, 15 წთ.

კრემის მოსამზადებლად კვერცხის გულები, ვანილი და შაქარი ხელის სათქვეფით გავთქვიფოთ, შევურიოთ ფქვილი და ნელ-ნელა შევურიოთ მდუღარე რძე. გავდგათ ცელ ცეცხლზე, განუწყვეტლივ ვურიოთ სანამ არ გასქელდება. გავაგრილოთ და შევათქვიფოთ კარაქი.

აწყობა:

3 დიდი ფენას წავუსვათ ჯერ გახეხილი ვაშლი, მერე - კრემი. პატარა ფენა დავფხვნათ და ნამცხვარს თავზე მოვაყაროთ.