პარიზის მოდის კვირეულზე მომავალი გაზაფხულის კოლექციების ჩვენებები გაიმართა. ვარსკვლავი ქალბატონების საყვარელი

ლიბანელი დიზაინერის ელი სააბის კოლექცია როგორც ყოველთვის ნაზი, ქალური და გამორჩეული ფერების გახლდათ.

კოლექციაში წარმოდგენილი Elie Saab-თვის არატრადიციული ნახატები - ზღვის ტალღები, ცეცხლის ენები გადახლართული იყო გრაფიკულ შავ-თეთრ ზოლებში და სამოსს კონტრასტულ იერსახეს ანიჭებდა.

გრძელი დაშვებული კაბების სილუეტები 70-იანი წლებით იყო შთაგონებული, კაბების გარდამავალი ფერები პოდიუმს ანათებდა. კოლექციაში მოდური სახლის საფირმო ქსოვილი მაქმანიც უხვად იყო წარმოდგენილი. გრძელ მაქმანის კაბებს აუცილებლად ვიხილავთ მომავალ ვარსკვლავურ წვეულებებსა და მიღებებზე.

მოდური ჩვენება დასრულდა ეფექტური ორიგინალური ნასკვებით გაფორმებული კაბების წარდგენით. კოლექციას მთავარ ფერად გასდევდა ლაჟვარდისფერი.