ითვლება, რომ ადამიანი ყველაფრის ბატონ-პატრონია დედამიწაზე, მაგრამ ეს ასე სრულებითაც არაა, ადამიანი უძლურია ბუნების ძალის წინაშე, მას არ ძალუძს წინ აღუდგეს სტიქიის დამანგრეველ ძალას, იქნება ეს წყალდიდობა, მიწისძვრა, ტორნადო, ზვავი თუ გრიგალი. ადამიანის მიერ აგებულ ნებისმიერ შენობას თუ ინფრასტრუქტურას ბუნება მალევე იპყრობს და სათავისოდ იყენებს. გავიხსენოთ თუნდაც ოლიმპიური ობიექტები ათენში, რომელიც დღეს მცენარეების ხშირი საფარითააა დაფარული.

ბუნება ყოველდღიურად, ყოველი ფეხის ნაბიჯზე ახდენს მისი ძალის დემონსტრირებას. ქვემოთ წარმოდგენილ ფოტოსურათებში კარგად ჩანს, როგორ პოულობს პატარა, ნაზი მცენარე თუ ყვავილი უმცირეს ხვრელს ასფალტში ან შენობის კედლებში, რათა ამოხეთქოს და თავისი სილამაზით დაგვატკბოს. დიახ, ასეა, ბუნებას წინააღმდეგობები არ აშინებს, ის ყველგან პოულობს ადგილსა და დროს, რომ გვიჩვენოს თავისი ძალა.