პოპულარული მსახიობი და სუპერ მოდელის ყოფილი ქმარი იბიცაზე ისვენებს, ესპანეთის ამ უმშვენიერეს სანაპიროზე ისვენებს აგრეთვე კანადელი პოპ ვარსკვლავი ჯასტინ ბიბერი, გუშინ ღამით სანაპიროს ერთ - ერთ პრესტიჟულ რესტორანში მომღერალი გაილახა. როგორც თვითმხილველები ჰყვებიან, სკანდალების მოყვარულმა ჯასტინ ბიბერმა მირანდა ქერის ყოფილ ქმარს ორლანდო ბლუმს ყოფილ ცოლთან მოკითხვა დააბარა.

მაგრამ არსებობს მეორე ვერსიაც, სადაც წერენ, რომ ბიბერმა მსახიობს ცოლის იმდროინდელი ღალატი შეახსენა, როდესაც ისინი ჯერ კიდევ ერთად ცხოვრობდნენ. ეს ისტორია 2012 წლის ლოს ანჟელესში გამართულ ჩვენებას უკავშირდება." ვიქტორია სეკრეტის" მორიგ ჩვენებაზე ჯასტინ ბიბერიც იმყოფებოდა და მაშინდელი პრესა აქტიურად წერდა მოდელისა და მომღერლის საიდუმლო კავშირზე.

სინამდვილეში რა უთხრა ჯასტინ ბიბერმა მსახიობს, ზუსტად უცნობია, მაგრამ ცნობილია მთავარი: - 20 წლის პოპ ვარსკვლავი იბიცაზე გაილახა ორლანდოს ხელით. თუმცა წყაროს ინფორმაციით ჩხუბი დიდხანს არ გაგრძელებულა, რამდენადაც სკანდალების მოყვარულ კანადელს მუდამ დაცვა ახლავს.

გაბრაზებულმა " პატარა ბიჭმა" ბიბერმა არც აცია და არც აცხელა და საკუთარ თვითერზე მირანდა ქერის შიშველი ფოტოები ატვირთა, სადაც ის წერს: - " მე ძალიან მკაცრი ადამიანი ვარ". როგორც სტატიაში ვკითხულობთ, მომღერალს სურდა ამ ფოტოებით ეჩვენებინა საზოგადოებისთვის, თუ რა მამაკაცურია.
არც თუ დიდი ხანი გავიდა მას შემდეგ, რაც ავსტრალიელი მოდელისთვის მილიარდელებმა ჯეიმს პაკერმა და დევიდ გუნგელმა ლამის ერთმანეთი დახოცეს, ახლა კი ახალი სკანდალი კვლავ მირანდა ქერის სახელს უკავშირდება.

წყაროს ინფორმაციით, ბიბერმა გუშინვე დატოვა იბიცა, ხოლო ორლანდო კი აქტიურად აგრძელებს დასვენებას მეგობრებთან ერთად.