სტრესის შემცირების საუკეთესო გზა იმ წყაროს ამოცნობაა, რომელიც მას წარმოშობს. ეს სწორედ ის პირველი საფეხურია, რომელსაც უმეტესობა მხედველობაში არ იღებს. ზოგჯერ ფიზიკური ნიშნები, ემოციები, რომლებიც თან ახლავს შფოთვას, არ არის აშკარა იმ კონკრეტული დროის მონაკვეთში. სტრესის/შფოთვის რამდენიმე გავრცელებული სიმპტომია:
თავბრუსხვევა
გადაჭარბებული ოფლდენა
დაძაბულობა და კუნთების ტკივილი
დაღლილობა
უძილობა
თავის ტკივილი
თრთოლა, კანკალი
კარგი იქნება, თუ აწარმოებთ "სტრესის დღიურს'': როდის გრძნობთ, რომ შფოთვა გიპყრობთ და რა ფიზიკური ნიშნები ახლავს თან? როდესაც ამოიცნობთ, თუ რა არის თქვენი შფოთვის წყარო და როგორ რეაგირებთ, შეძლებთ სწორად გამოიყენოთ ტექნიკები.
2. სუნთქვის ძალა
თქვენი გონება და სხეული გამუდმებით "კვებავენ" ერთმანეთს. თუკი თქვენ თავდაჯერებული დგახართ კონკრეტულ სიტუაციაში, ეს გიბიძგებთ კიდევ უფრო თავდაჯერებული გახდეთ. როდესაც შფოთვა გვიპყრობს, დაახლოებით იგივე ხდება: თუ ვაკონტროლებთ სუნთქვას, ეს გარკვეული მესიჯია გონებისათვის. როდესაც შფოთვა გიპყრობთ, სცადეთ რელაქსირდეთ და მშვიდად ისუნთქოთ.
3.მოერიდეთ ემოციების გამოხატვას
ხშირია მოსაზრება, რომ გრძნობები უნდა "გამოვუშვათ'', თუ გვინდა მათი შემცირება. რაც არ არის სწორი. თუ ემოციებს ბოლომდე გამოვხატავთ, ამან კიდევ უფრო შეიძლება გაამძაფროს ისინი. რა თქმა უნდა, ეს არ ნიშნავს იმას, რომ არავის გავანდოთ საკუთარი გრძნობები, მაგრამ ზომიერების დაცვა საჭიროა, არ უნდა "დავიღვაროთ" ემოციებად.
4.შეცვალეთ აზრების მიმართულება
კარგი იქნება, თუ თავიდან გაიაზრებთ და "დახატავთ" სტრესულ დავალებებს. მაგალითად, შესაძლოა პრეზენტაცია სტრესული იყოს, მაგრამ მეორე მხრივ, ის გვაძლევს შესაძლებლობას, გამოვავლინოთ საკუთარი ცოდნა. არის შემთხვევები, როდესაც ადამიანები უკეთ მოქმედებენ წნეხის ქვეშ. თუ ვიფიქრებთ, რომ სტრესმა შესაძლოა კიდეც გაზარდოს ჩვენი წარმატება, მაშინ ორგანიზმში გაცილებით დაბალი იქნება კორტიზოლის დონე, ეს არის ჰორმონი, რომელიც სტრესის საპასუხოდ გამომუშავდება.
5. მიიღეთ ის, რასაც ვერ შეცვლით
ზოგიერთი მდგომარეობა და სიტუაცია შეცვლას არ ექვემდებარება. ასეთ დროს, უკეთესია მიღება და არა მათთან ბრძოლა. ეს არ ნიშნავს, რომ ვნებდებით. უბრალოდ ვხვდებით, რომ ჩვენი ძალისხმევა ფუჭი იქნება.
6.იყავით საქმიანი, მაგრამ არა ზედმეტად

შფოთვის დროს, ხშირად ვართ არამოტივირებული რაიმე სასარგებლო გავაკეთოთ. და თუ ამ მდგომარეობას ემატება ისიც, რომ არაფრით ვართ დაკავებული, მაშინ შფოთვა იზრდება, რადგან მეტი დრო გვაქვს მასზე ფიქრისთვის. ჩამოწერეთ აქტივობები, რომელთა განხორციელებაც სასიამოვნოა თქვენთვის. მაგრამ ნუ გადაიტვირთავთ თავს, რადგან შესაძლოა უფრო სტრესულ მდგომარეობაში აღმოჩნდეთ.
7. გაუმკლავდით უსიამოვნო ფიქრებს
სტრესი ხშირად მოდის იმ უსიამოვნო ფიქრებიდან, რომლებიც ყოველ დღე გვაწუხებს. რამდენიმე ტექნიკა, თუ როგორ გავუმკლავდეთ მათ:
1."წუხილის პერიოდი": გადადეთ თქვენი მწუხარება დანიშნულ 30 წუთიან "წუხილის პერიოდამდე". შემოინახეთ უარყოფითი ფიქრები ამ დრომდედა დანარჩენ პერიოდში დაისვენეთ მათგან.
2.დაწერეთ:ყველაზე ღრმა გრძნობების გადატანა ფურცელზე წარმატებული მეთოდია არასუსრველი ფიქრებისგან თავის დასაღწევად.

8. კუნთების რელაქსაცია
მოადუნეთ სხეული. თავდაპირველად ხართ დაძაბული, შემდეგ კი ადუნებთ თითოეულ კუნთს. შემდეგ ეტაპზე ბოლომდე ხსნით დაძაბულობას და სრულიად დუნდებით. წარმოიდგენთ იმას, რაც სტრესულია თქვენთვის და ხართ მშვიდ მდგომარეობაშე. ბოლოს, ეს ტექნიკა რეალურ სამყაროში გადაიტანეთ, წარმოდგენების გარეშე.
9.ივარჯიშეთ
ვარჯიში სტრესისა და შფოთვის დამარცხების ერთ-ერთი საუკეთესო გზაა. კვლევებმა ცხადყო, რომ ვარჯიშს ერთგვარი დამცავი ეფექტი აქვს შფოთვის წინააღმდეგ. ისეთი ვარჯიშები, რომლებიც მინიმალურ ან საშუალო ძალისხმევას მოითხოვენ, ამცირებს შფოთვას, მაგრამ თუ დიდი ძალისხმევაა საჭირო, მაშინ ყველაზე დიდია სტრესის შემცირება, განსაკუთრებით კი ქალებში.
10.გამოიძინეთ
სტრესს ხშირად მივყავართ უძილობამდე. ამიტომ ისწავლეთ და გამოიმუშავეთ ტექნიკა, რომელიც დაგეხმარებათ დაძინებაში.