სიონის ღვთისმშობლის მიძინების საპატრიარქო ტაძარი თბილისის ძველ უბანში, ზემო კალაში, სიონის ქუჩაზე მდებარეობს. ტაძრის მშენებლობა VI საუკუნეში ქართლის ერისმთავრის გუარამ კურაპალატის დროს დაიწყო და VII საუკუნის 20-იან წლებში ადარნასეს ერისმთავრობისას დასრულდა.

იგი გამოირჩევა ფრესკებითა და ულამაზესი მოხატულობით, ტაძრის მოხატვა 1850 წელს მიხეილ ვორონცოვის ბრძანებით გადაწყდა და 1851-55 წლებში გრიგოლ გაგარინმა შეასრულა.

მხატვრობა შესრულებულია ცვილის საღებავებით; აღსანიშნავია, რომ მასში დიდი ადგილი ეთმობა ქართველ წმინდანთა გამოსახულებებს.