საზოგადოება ,,ეგრისი" - წარმატებული ამხანაგობა 2014, 27 ივნისი, 16:12 ქალაქ ქუთაისში ლეჟავას ქუჩა N3-ში შექმნილი ამხანაგობა “ეგრისი" საქველმოქმედო ჰუმანიტარული ცენტრი “აფხაზეთის" პროექტის ბინათმესაკუთრეთა ამხანაგობის შექმნა და განვითარება" ფარგლებში 2012-2013 წლებში შექმნილი ამხანაგობებიდან ერთ-ერთია, რომელთა მობინადრეებს გაცნობიერებული აქვთ ამხანაგობის სიკეთეები. მათი ამხანაგობის ფონდში შენატანები ხორციელდება, როგორც საწევროები-დან ასევე მოვლა-ექსპლუატაციის ჯგუფის წევრებიდან შემოტანილი თანხით.მოვლა-ექსპლუატაციის ჯგუფის წევრებმა ამხანაგობის ფონდში დაგროვილი თანხიდან 28 ლარი დახარჯეს ჭიშკრის შესაკეთებლად და შესაღებად. ჯგუფის წევრებმა ასევე შეაკეთეს წყალ-საკანალიზაციო სისტემები ინდივიდუალურ საკუთრებაში, შეაკეთეს წყლის საწრეტები. 20 ლარად იყიდეს ფრენბურთის ბოძები და დაკიდეს ბადე. ასევე ეზოში განათავსეს ეზოს მაგიდა და სკამები. “- ბინების საკუთრებაში გადაცემის პროცესი ჭიანურდება, რაც გვზღუდავს მონაწილეობა მივიღოთ ადგილობრივი თვითმმართველობის ბიუჯეტით ამხანაგობე-ბისთვის გათვალისწინებული პროგრამებით ვისარგებლოთ და უფრო მეტი შედეგი გვქონდეს, ჩვენთვის ასევე საკმარისი არ არის მხოლოდ გრე ფასადის რეაბილიტაცია, რადგან შიგნით ოთახებში მძიმე პირობებია"- წუხილი გამოთქვა ამხანაგობის თავმჯდომარემ მარიამ ნაჭყებიამ. ცენტრი “აფხაზეთის" მიერ სულ ჩამოყალიბდა 49 ამხანაგობა. პროექტი “ახალი ეკონომიკური შესაძლებლობების ინიციატივის" პროგრამის ფარგლებში ხორციელდება, რომელიც დაფინანსებულია შეერთებული შტატების განვითარების სააგენტოს მიერ. 25 შეფასება არ არის
|