9 ივნისს 28 წლის რუსმა სუპერ მოდელმა ირინა შეიკმა მონაწილეობა მიიღო ნიუ იორკში - მანჰეტენზე გამართულ ფოტოსესიაში და იპოზიორა ვიდეო რგოლში.

კრიშტიანო რონალდუს მეგობარმა გოგონამ ერთმანეთის მიყოლებით რამდენიმე კაბის გამოცვლა მოახერხა ბრენდ "Nokia " რეკლამისთვის.

თავდაპირველად მოდელს წითელი კაბა ჩააცვეს დიზაინერებმა დიდი ვარდებით, მაგრამ კაბა დიდი აღმოჩნდა და ამიტომ მისი ქინძისთავებით დამაგრება გადაწყვიტეს.

"მომხიბლავად გამოიყურებოდა სუპერ მოდელი შავ კაბაში, თეთრ შარვალში, ქურთუკსა და ღვინის ფერ ჩექმებში" - წერს რუსული პრესა.
მოგეხსენებათ, მარადშეყვარებული წყვილი ორი დღით ადრე ესტუმრა ნიუ იორკს, რათა დასწრებოდნენ კრივს "at Madison Square Garden".

როგორც წყარო გვატყობინებს, დღეს რონალდუ ამხანაგურ მატჩს გამართავს ნიუ ჯერსისთან და შემდეგ იმავე წყაროზე დაყრდნობით, ვარსკვლავი მეგობარ გოგონასთან ერთად გაემგზავრება ბრაზილიაში მსოფლიო ჩემპიონატში მონაწილეობისათვის.

სოციალურ ქსელებში ორიოდე დღის წინ გავრცელებული ფოტოებით თუ ვიმსჯელებთ, მოდელს შეყვარებულმა რონალდუმ არც კი აცადა დასვენება და "გამოუძინებელმა შეიკმა" კრივის მატჩის მიმდინარეობის დროს პირდაპირ კრიშტიანოს ბეჭზე ჩამოიძინა, რაც შეუმჩნეველი არ დარჩენიათ პაპარაცებს.