როგორც ჩანს მიმდინარე წლის ცხელი სეზონისთვის ცნობილმა ქალბატონებმა უკვე აირჩიეს ზაფხულის შესაფერისი ყვითელი ფერი.

ყვითელი გამის ყველა ელფერი დაწყებული ლიმონისფერიდან დამთავრებული ზაფრანისფერამდე-ანათებდა მოდურ წვეულებებსა და მიღებებზე, შესანიშნავად ეხამებოდა წითელ ხალიჩას.

კანის კინოფესტივალზე კინოპრემიერაზე უმა თურმანი ბრწყინავდა Atelier Versace-ს კაბაში გრაფიკული დეკოლტეთი და მკერდზე გადაჯვარედინებული შიფონის სარტყლებით. სამოსს განსაკუთრებულ სიმდიდრეს და ფუფუნებას მატებდა Chopard-ის სამკაულები.

კანის კინოფესტივალზე Versace-ს მოდური სახლის კაბები მეტად პოპულარული იყო. მოდელმა ირინა შეიკმა ერთ-ერთ პრემიერაზე მოირგო Atelier Versace-ის კაპიუშონიანი სამოსი

amfAR-ის მიერ ჩატარებული საქველმოქმედო ღონისძიებაზე მოდელმა როზი ჰანტინგტონ-უაიტლიმ დაარღვია წითელი "დრეს-კოდი" და აუქციონზე Emilio Pucci-ს ბერძნული სტილის მდოგვისფერ კაბაში გამოცხადდა.

კანის კინოფესტივალზე კიდევ ერთი ლამაზმანი იზაბელა ფონტანა გამოჩნდაTufi Duek-ის ყვითელ კაბაში, რომელსაც წითელი ფერის Christian Louboutin შეუხამა.

საკუთარ დაბადების დღეზე ნაომი კემპბელი Versace-ს ლიმონისფერ პერფორირებულ და მძივებით გაწყობილ კაბაში იწონებდა თავს.

სუპერმოდელს დაბადების დღეზე მხარი აუბა დიტა ფონ-ტიზმა, რომელიც Blumarine ატლასის ანსამბლში და Christian Louboutin-ის ვერცხლისფერ ფეხსაცმელებში ეწვია წვეულებას Billionaire
Club Sunset Lounge-ში.

ოცდაექვსი წლის მსახიობი ბლეიკ ლაივლი მოდური სახლის Gucci

კრეატიული დირექტორის ფრიდა ჯანინის მიერ გამართულ საღამოზე, რომელიც საქველმოქმედო პროექტის Chime for Change დაარსებას მიეძღვნა Gucci -ის უახლესი კოლექციის ყვითელ კაბაში გამოცხადდა.