მიმდინარე სეზონზე საცურაო კოსტუმები მრავალფეროვნებით გვახარებს: სანაპიროს მოდის ყურადღების ცენტრშია როგორც "ბიკინი", ასევე დახურული მოდელები, ყვავილებიანი და მონოქრომული ვარიანტები, ტროპიკული ნახატებით გაფორმებული და ერთტონალობაში გადაწყვეტილი.

ტროპიკული ნახატები

პალმებით, მრავალფეროვანი ორქიდეებით და პეპლებით გაფორმებული მოდური საცურაო კოსტუმები და აქსესუარები ზღვისა და ოკეანის სურნელებას აფრქვევს. ტროპიკული პრინტი განსაკუთრებით ეფექტურად გამოიყურება მინიატურულ "ბიკინებზე", რომლებიც გაწყობილია ლითონის რგოლებით. ასეთ საცურაო კოსტუმს აუცილებლად შეუხამეთ ჩალის შლიაპა.

Lise Charmel

H&M

Calzedonia

ყვავილები

ბოლო რამდენიმე წელია ყვავილები არ ჩამოდის პოდიუმიდან, რჩება რა წამყვანი დიზაინერების რჩეულ ნახატად. არც წლევანდელი სანაპიროს მოდა არის ამ მხრივ გამონაკლისი. ორქიდეებთან ერთად აქტუალურია მინდვრის ყვავილები, რომანტიკული ვარდები და კეკლუცი გვირილები. ყვავილებიანი "ბიკინები" შეგიძლიათ გააფორმოთ ბაფთებით, ლითონის რგოლებით, დახურულ საცურაო კოსტუმებს კი ალამაზებს დრაპირებები და მოდური ჭრილები.

Dolce&Gabbana, Asos, Etro

შავი&თეთრი

მინიმალიზმის მოყვარულებს დიზაინერები სთავაზობენ შავ-თეთრის მრავალგვარ შეხამებას, რომელიც იდეალურად უსვამს ხაზს გარუჯულ კანს, ამიტომ ასეთი შეფერილობის საცურაო კოსტუმები საზღვაო შვებულების შეუცვლელი თანამგზავრი გახდება. შავ-თეთრი ფერის კომბინაცია განსაკუთრებით უხდება რეტრო-სტილის გამოკვეთილი დეკოლტეს მქონე საცურაო კოსტუმებს.

Lise Charmel

Calzedonia

Maryan Mehlhorn

რეტრო-აქცენტი
საცურაო კოსტუმები რეტრო-სტილში თავის ადგილს
იკავებს სეზონის გარდერობში-შორტები, რომლებმაც ჩაანაცვლეს ბიკინი არანაკლებ მიმზიდველია, ხოლო დახურული დრაპირებული ზედა განიერი სარტყელები მომგებიანად უსვამს ხაზს დეკოლტეს ხაზს.

I.D. Sarrieri

Sabine de Brumes, Lisa Marie Fernandez, River Island

გასულ ზაფხულს აქტუალური ასიმეტრია წელს იდეალურად სიმეტრიულმა ჭრილებმა და გადაჯვარედინებულმა სამხრეებმა ჩაანაცვლეს. ზურგზე ან მუცლის ან დეკოლტეს მიდამოებში, ყელზე ან წელზე ისინი ხაზს უსვამენ სხეულის ღირსებას. პოპულარულია მოდელები სეზონის მთავარ მოდურ ფერებში-ნარინჯისფერ, ყვითელ და იისფერში, ასევე მონოქრომული ვარიანტები.

Huit

Gottex

Jason Wu, Agent Provocateur, Next