ცნობილი რუსი ოლიგარქი - რომან აბრამოვიჩი არა მარტო სიმდიდრით არის სახელმოხვეჭილი, არამედ ცნობილია, თუ რა უზარმაზარ თანხებს ხარჯავს ის ყოველწლიურად საშობაოდ, როცა ცნობილ მსოფლიო ვარსკვლავებს ყიდულობს და რამდენიმე საათიანი სიამოვნებისთვის მილიონებს იხდის. ამ მხრივ არც გასული 2013 წელი იყო გამონაკლისი, როცა მან საყვარელ დაშა ჟუკოვასთან ერთად 400 კაციანი საახალწლო ღონისძიება გამართა და ეს სიამოვნება ოლიგარქს 8 მილიონი დოლარი დაუჯდა. თუ კი გასულ წლებში მისი სტუმრები და "ნაყიდი მომღერლები" იყვნენ ისეთი სახეები, როგორებიცაა: ბიონსე, გვენ სტეფანი, რეპერი "P Diddy",

ამჟამად მათ საახალწლო ღონისძიებას ადელა გაალამაზებს. როგორც სარწმუნო წყარო გვატყობინებს, აბრამოვიჩს ყოველთვის აქვს პოპულარული ადამიანების სია, რომლებიც მის საღამოებზე გამოდიან და არც ეს წელი იქნება გამონაკლისი.

აბრამოვიჩის მიერ მოწყობილი საღამოები ყოველთვის ღირსეული და ცნობილი ადამიანებით გამოირჩევა. გასულ წელს მილიარდელს მუსიკალურ მაგნატად წოდებული რასელ სიმონსი და ცნობილი პროდიუსერი ჰარვ ვაინშტეინი სტუმრობდა.

როგორც ამბობენ, ოლიგარქი შემსრულებლებს დიდ ჰონორარს სტავაზობს, რაზეც უარს არც ერთი მათგანი არ ამბობს.

იმავე წყაროზე დაყრდნობით, დაშა ჟუკოვამ თავად სთხოვა ადელას აბრამოვიჩის საახალწლო საღამოზე მონაწილეობის მიღება და მომღერალიც სიამოვნებით დათანხმდა.

ცნობილია, რომ ოლიგარქის საყვარელი ქალბატონი ადელას შემოქმედების დიდი თაყვანიცმცემელია.

წყაროზე დაყრდნობით, სავარაუდოდ მილიარდელი წელს 8 მილიონზე მეტის გადახდას აპირებს.