ინგრედიენტები:
ხაჭო- 400 გრამი
მარგარინი-200 გრამი
პურის ფქვილი-450 გრამი
მარილი, ვანილი-გემოვნებით
სოდა ძმრით-1/2 ჩაის კოვზი
შაქარი-გემოვნებით
მომზადება:
ცივი მარგარინი გავხეხოთ მსხვილ სახეხზე, შევურიოთ ხაჭოს და ავურიოთ კარგად ერთმანეთში. დავამატოთ მარილი, ვანილი, სოდა ძმრით, ფქვილი და მოვზილოთ ცომი.
გავაბრტყელოთ ცომი 2 სმ სისქეზე და გამოვჭრათ ჭიქით მისგან წრეები.
მოვაყაროთ ცომს ზემოდან მსხვილი შაქარი და გადავკეცოთ შუაზე, კიდევ მოვაყაროთ შაქარი და ისევ გადავკეცოთ. ზემოდანაც მოვაყაროთ ცოტაოდენი შაქარი და ჩანგლით ჩავუჩხვლიტოთ გვერდები, რომ ხაზები დააჩნდეს.
მოვათავსოთ ნამცხვარი თუნუქის ცხიმწასმულ ფურცელზე და შევდგათ წინასწარ 150 გრადუსამდე გაცხელებულ ღუმელში. გამოვაცხოთ 10-15 წუთი მოწითალო შეფერილობის მიღებამდე.
მიირთვით გემრიელად!