ლელა წურწუმია ყველასათვის საყვარელი და ნაცნობი ქართველი მომღერალი გახლავთ. სულ ცოტა ხნის წინ პროექტ "ახალი ხმის" ერთ-ერთ მწვრთნალად მოგვევლინა და საკუთარი გუნდის წევრებთან ერთად შესანიშნავ სანახაობასაც გვთავაზობს.

ლელა დაქორწინებულია კახა მამულაშვილზე. წყვილს ერთი ქალიშვილი ჰყავს-მარიკო. ცნობილი ადამიანის შვილობას ბევრი პლუსიც აქვს და სამწუხაროდ ბევრი მინუსიც. გოგონას მშობლები სულ ენატრება. 3 წლისამ ატირებული ბავშვი დახატა, რომლის სევდისა და ცრემლების მიზეზი დედის მონატრება გახლდათ.
მარიკო მხოლოდ 11 წლისაა, კარგად მღერის მაგრამ ლელა ცდილობს ამაზე ყურადღება არ გაამახვილოს, მირჩევნია კარგად ისწავლოს, სიმღერას კი ყოველთვის შეძლებსო. მომღერალი მკაცრი დედა არ გახლავთ, მაგრამ ცდილობს ქალიშვილს ბავშვობა არ დაუკარგოს და ზედმეტად არ გაათამამოს. მარიკოს ცხოვრებაში იყო პერიოდი, როდესაც დედის ვინაობას მალავდა, საბედნიეროდ შინაგანმა პროტესტმა უკვე გაუარა. "იყო პერიოდი, როცა მარიკო არ ამბობდა, რომ ჩემი შვილი იყო. ეს რა თქმა უნდა, მისი შინაგანი პროტესტი იყო, რადგან ამ პროფესიამ მშობლები წაართვა. მარიკო კომუნიკაბელური და საინტერესო ადამიანია. საბედნიეროს მყავს ძალიან კარგი შვილი, რომელიც ნამდვილად ბავშვურია და არასდროს უტრაბახია ლელა წურწუმია დედაჩემიაო."-გვიამბობს მომღერალი. გაგიკვირდებათ, მაგრამ გოგონა ბებიასთან, ლელას დედამთილთან ცხოვრობს, ალბათ იმიტომ, რომ მშობლები მისთვის ნაკლებად იცლიან.

ვუსურვოთ ოჯახს წარმატებები და ბედნიერი მომავალი.