პოდიუმიდან ვარსკვლავების გარდერობში-რჩეული სამოსი დიზაინერთა კოლექციებიდან

ვარსკვლავები

პოდიუმიდან ვარსკვლავების გარდერობში-რჩეული სამოსი დიზაინერთა კოლექციებიდან

2013, 9 ნოემბერი, 20:55

მსოფლიო მოდის დედაქალაქებში ჩატარებული სეზონური კოლექციების ჩვენების შემდეგ, დიზაინერთა ახალი ნამუშევრები ვარსკვლავების გარდერობში ინაცვლებს.

ვარსკვლავი-ქალბატონები აქტიურად ადევნებენ თვალყურს მოდის ბოლო ტენდენციებს და ირჩევენ სასურველ მოდელებს ცნობილი დიზაინერების კოლექციებიდან. რაც მათთვის სავსებით შესაძლებელია, თუ შემოსავლებს გავითვალისწინებთ.

პოდიუმზე ჩვენების დასრულების შემდეგ უკვე წითელ ხალიჩებზე ვხედავთ მოდურ სამოსს. ზოგიერთ ცნობილ ქალბატონს პირდაპირ გადმოაქვს პოდიუმზე წარმოდგენილი ნიმუში, ზოგიერთი კი განსხვავებულ იერსახეებს ქმნის.

პოპულარული ამერიკული სერიალის "ჭორიკანას" ერთ-ერთი მთავარი გმირის როლის შემსრულებელი ბლეიკ ლაივლი ყოველთვის გამოირჩევა დახვეწილი გემოვნებით, ბლეიკი პირველი ირგებს სასურველ მოდელს ბოლო ჩვენებებიდან.

გასულ კვირას მსახიობი ოფიციალურად გახდა L’Oréal Paris-ის სარეკლამო სახე. ამ მოვლენისადმი მიძღვნილ პრესკონფერენციაზე ბლეიკი Balmain-ის ბოლო კოლექციის მოცისფრო-თეთრი ფერის კაბაში იწონებდა თავს.

ნიუ-იორკში გამართულ ახალი მულტფილმის პრემიერაზე კი ბლეიკი Burberry Prorsum-ის ბრჭყვიალა ქვედაბოლოში გამოცხადდა.

ლამაზმანმა მოდელმა დაუტცენ კრეზმა უკვე რამდენიმე მოდელი მოირგო დიზაინერთა კოლექციებიდან.

Missoni pre-fall 2013/14 კოლექციის კაბა

Michael Kors გაზაფხული 2014 კოლექციის კაბა

ჯულია რობერტსი Elie Saab-ის მომავალი გაზაფხულის კოლექციის ყვავილოვან კაბაში მომხიბვლელად და ახალგაზრდულად გამოიყურებოდა.

ჯულია რობერტსი ჰოლივუდის ფილმების ყოველწლიურ დაჯილდოების ცერემონიაზე

ახალი ფილმის პრემიერაზე 'August: Osage County"-ის პრემიერაზე ჯულია Dolce & Gabbana-ს მაქმანის წითელ კაბაში გამოცხადდა.

პენელოპა კრუსმა კი ახალი ფილმის 'The Counselor" პრემიერისთვის Nina Ricci-ის წითელი კაბა შეარჩია შემოდგომა-ზამთარი 2013/14 წლის კოლექციიდან.

ქეით ბოსუორტი Chrisopher Kane-ის მომავალი გაზაფხულის კოლექციის აბრეშუმის კაბაში, რუნი მარა Proenza Schouler-ის ბრწყინვალე სამოსში, დიანა კრუგერი Jonathan Saunders-ის წითელ კაბაში წლევანდელი გაზაფხულის კოლექციიდან, ნატალია ვოდიანოვა Givenchy-ის საგაზაფხულო კოლექციის სამოსში, ჰეილი სტეინფილდი Saint Laurent-ის დახვეწილ ანსამბლში, ჯოან სმოლსი Alexander Wang-ის კომბინეზონში...- საუცხოოდ და მოდურად გამოიყურებოდნენ.