გუშინ ღამით კუნძულ ლიდოზე სტარტი აიღო ვენეციის 70 - ე კინოფესტივალმა, სადაც პირველები ჰოლივუდის მსახიობები: ჯორჯ კლუნი და სანდრა ბალოკი ჩავიდნენ.მათი ცტუმრობა ვენეციაში ნამდვილად არ იყო შემთხვევითი.ევროპის ყველაზე დიდი კინოფესტივალი ალფონსო კუარონის ფილმ "გრავიტაციით" იხსნება და სწორედ ეს მსახიობები ასრულებენ მთავარ როლებს აღნიშნულ ფილმში.პაპარაცები ფეხდაფეხ მისდევდნენ წყლის კატერსა თუ სასტუმროს შესასვლელში გადაადგილებულ მხიარულ და გალაღებულ წყვილს, რომლებიც არაჩვეულებრივად კარგ ხასიათზე იმყოფებოდნენ.თვითმხილველთა განცხადებებით შესანიშნავი ორეული ძალიან კარგ ხასიათზე არიან.სანდრა ბალოკი ვენეციას პატარა შვილთან ლუი ბადროსტან ერთად ესტუმრა, რასაც ვერ ვიტყვით ჯორჯ კლუნზე.

ამჟამად მას არ ახლავს სტეისი კიმბლერი და როგორც ყვითელი პრესა აღნიშნავს, კლუნი მეგობარი ქალბატონის გარეშე უფრო მხიარულადაა და ვერავინ შეძლებს მისთვის ხასიათის გაფუჭებას

ვენეციის კინოფესტივალი პირველად 1932 წელს ჩატარდა, რომლის ინიციატორი გახლდათ დიქტატორი ბენიტო მუსოლინი. სწორედ ამ ფესტივალმა ჩაუყარა საფუძველი კანის კინოფესტივალს, რომელიც პირველად 1939 წელს ჩატარდა.თითქმის 7 ათეულ წელს ითვლის ორივე საერტაშორისო ფესტივალი და საინტერესოა ის ფაქტი, რომ ჯერ არ ყოფილა შემთხვევა ვენეციის კინოფესტივალი 3D ფილმით გახსნილიყოს, როგორც ახლა ხდება.

ჟურნალისტები და გულშემატკივრები, რომლებიც მრავლად ეხვევიან თავს მსახიობებს - ჯორჯ კლუნსა და სანდრა ბალოკს, იმედოვნებდნენ, რომ ფესტივალის ბოლომდე შეინარჩუნებდნენ ისინი ხალისიან განწყობას და მთელი თავისი მშვენიერებით წარსდგებოდნენ წითელ ხალიჩაზე.მათი გულრწფელი მოლოდინი გამართლდა და მართლაც საუცხოოდ გამოიყურებიან მსახიობები, რომელთაც ფანების აუარებელი არმია ახვევია თავს. რაც შეეხება ულამაზეს მსახიობ - ჯორჯ კლუნს, ის ახლაც მარტოა მეგობარი ქალის გარეშე.