Forbes-მა 2013 წლის ყველაზე მაღალანაზრაურებადი მოდელების ტოპ ათეული დაასახელა.გასულ წელს აღნიშნული სიის სათავეში ბრაზილიელი ჟიზელ ბიუნდგენი მოექცა, რომლის შემოსავალი მაშინ 45 მილიონზე მეტი იყო. ამჟამად ამ სიას ამშვენებენ ისეთი სახეები, როგორებიც არიან: კვლავ ჟიზელ ბიუნდჰენი, ქეით მოსი, ქენდის სვეინპოლი, მირანდა ქერი, ადრიანა ლიმა, ჰილარი როდა და სხვები.

პირველ ადგილზე კვლავ ჟიზელია, რომლის შემოსავალი მართალია შემცირდა, მაგრამ ბრენდებმა H&M და "შანელმა" მას 2013 წელს 42 მილიონი დოლარი მოუტანა.

მეორე ადგილზე მირანდა ქერი - 7, 2 მილიონი დოლარით, რომლის შემოსავალი "მანგოსთან", "ვიქტორია სეკრეტთან" და სხვადასხვა იაპონურ ბრენდებთან თანამშრომლობამ მოუტანა.

მესამე ადგილზე ადრიანა ლიმა 6 მილიონი წლიური შემოსავლით.მოგეხსენებათ ადრიან 10 წელია მოდის ინდუსტრიაში მოღვაწეობს.

მეოთხე ადგილზე სუპერმოდელი ქეით მოსი, რომლის შემოსავალმა 5, 7 მილიონ დოლარს გადააჭარბა. .

მეხუთე ადგილი ჩინელმა ლიუ - ვენიმ დაიკავა, იგი რობერტო კავალის, "ესთე ლაუდერის" და H&M ბრენდებში მონაწილეობდა.წელიწადში მან 4, 3 მილიონი დოლარი გამოიმუშავა.

მეექვსე ადგილზე ჰილარი როდა, რომლის წლიურმა შემოსავალმა 4 მილიონს მიაღწია.

მეშვიდე ადგილზე ქეროლინ მერფი, გოგონა, რომელმაც 17 წლის ასაკში დაიწყო სამოდელო კარიერა და დღემდე ღირსეულად აგრძელებს მოღვაწეობას სამოდელო სამყაროში. მისი წლიური შემოსავალი 3, 6 მილიონი დოლარია.

მეერვე ადგილზე პუერტო რიკოელი მოდელი ჯოან სმოლსი, რომლის მილიონებმა 3, 5 - ს მიაღწია.

მეეცხრე ადგილი უმშვენიერეს ქენდის სვეინპოლს ერგო, რომლის წლიურმა შემოსავალმა 3, 3 მილიონს გადააჭარბა.იგი სახეა ვიქტორია სეკრეტის, ვერსაჩეს, MAX - ფაქტორის.

ჰოლანდიელი ლარა სტოუნი კი ბოლო ადგილზე, ანუ ტოპ ათეულში მოხვდა, რომელმაც 3, 2მილიონი დოლარი წლიური შემოსავალი დააფიქსირა.