კოლექციები ყვავილები საზაფხულო გარდერობში 2013, 8 ივლისი, 17:15 ყვავილები საზაფხულო კოლექციების აუცილებელი და მთავარი ტენდენციაა, რომელიც კარგ განწყობას ქმნის და რომანტიკულ იერს ანიჭებს ნებისმიერ სამოსს.
გაზაფხული-ზაფხულის კოლექციების ჩვენებები სავსე იყო ვარდებით, ყაყაჩოებით და ეგზოტიკური ორქიდეებით, ბევრმა დიზაინერმა Chanel, Paul&Joe, Valentino, Etro, Prada.. უპირატესობა მიანიჭა ყვავილებს და ამგვარად აქცენტი გაკეთდა ქალურობას და რომანტიკულობაზე. ყვავილებით იყო მოფენილი არამარტო სამოსი, არამედ აქსესუარებიც-ფეხსაცმელები, ჩანთები, სათვალეები, შლიაპები... Dolce-Gabbana გაზაფხული-ზაფხული 2013 სარეკლამო კამპანია ყვავილებიანი ნახატი ჰარმონიულად ლაგდება ნებისმიერ ფერზე: კლასიკურ შავზე, თეთრზე და პასტელის ფერებზე.. ვარდისფერი მაისური და ყვავილებით გაფორმებული შარვალი, მრავალფეროვანი ყვავილებით გაწყობილი კაბა და თეთრი ჟაკეტი, კანისფერი შორტი და ყვავილოვანი მაისური და სანდლები-უამრავი ყვავილოვანი დუეტი შეგიძლიათ შექმნათ, რომელიც მეტად წარმატებული იქნება. Christian-Dior; Moschino; Ralph-Lauren თუმცა გაითვალისწინეთ, რომ თავიდან ბოლომდე ყვავილებში ნუ გამოეწყობით, ასევე არ შეახამოთ სხვადასხვა სახეობის ყვავილებიანი ნახატი-მაგ. ვარდები მინდვრის ყვავილებთან, ორქიდეები მზესუმზირებთან და ა.შ საზაფხულო გარდერობის აუცილებელი ნივთია ყვავილებით გაწყობილი კაბა-როგორც კოქტეილის მინი-კაბა, ასევე სარაფანი ფუშფუშა ქვედაბოლოთი...ასევე ყვავილებიანი კოსტუმი, რომელიც ხაზს გაუსვამს თქვენ ინდივიდუალურობას, ის შეიძლება შეუხამოთ სწორ შარვალს ან ჯინსებს, ერთტონიან გაშლილ-ქვედაბოლოს და ყვავილებიან აქსესუარებსაც... ყვავილოვანი შარვლები მსხვილი ან ფერადი ნახატებით გაალამაზებს მოსაწყენ საოფისე კოსტუმს და საქმიან იერსახეს მიანიჭებს გარკვეულ ხიბლს. ყვავილებიანი შარვლის და თეთრი ბლუზის ან ერთფეროვანი მაისურის შეხამება აუცილებლად წარმატებული იქნება. არჩევანი თქვენზეა. Red-Valentino; Cacharel; Stella-McCartney 3.1-Philip-Lim; Rag-Bone; Stella-McCartney Zara; Matthew-Williamson; Nina-Ricci ყვავილებიანი კაბა განწყობას გამოგიკეთებთ თქვენც და გარშემომყოფებსაც და ეფექტურად გამოიყურება ასევე ოფისის კედლებში და წვეულებაზე, ასევე დასვენების დროსაც. ოდრი ტატუ კანის კინოფესტივალზე ყვავილოვანი კაბის აქტუალურობა კიდევ ერთხელ გამოჩნდა კანის კინოფესტივალზე, სადაც ვარსკვლავი-ქალბატონები თავს იწონებდნენ ცნობილი დიზაინერების ყვავილოვან გრძელ კაბებში. ნიკოლ კიდმანი Christian Dior მილა იოვოვიჩი Chanel Couture 113 1-ს მოსწონს 1-ს არა
|