ნინა სუბლატი პროექტ "საქართველოს ვარსკვლავის" ერთ-ერთი მონაწილეა. სუბლატი მისი გვარი არ გეგონოთ, ეს ნინას ფსევდონიმია. "8-9 წლის ვიყავი, როცა ეს მეტსახელი მოვიგონე. თავიდან ალბათ რაღაც შინაარსი ჰქონდა, რომელიც დღეს აღარ მახსოვს. იმის მერე ყველა ამ მეტსახელით მომმართავს"-გვიამბობს მომღერალი. ნინა საკუთარ თავს თვითნასწავლ მომღერლად მიიჩნევს, ბავშვობიდან მღერის, მასწავლებელთან კი არასდროს უვლია. ბოლო დროს გავრცელებული ჭორებს თუ დავუჯერებთ ნინა სუბლატსა და ბერა ივანიშვილს რომანი ჰქონდათ. ჭორებმა ნინამდეც მიაღწია.

მომღერალმა ბერასთან რომანზე გულღიად ისაუბრა. აღმოჩნდა, რომ ნინას ბერასთან მხოლოდ მეგობრობა აკავშირებს და გავრცელებულ ჭორებში სიმართლის მარცვალი ნამდვილას არ ღვივის. მომღერალი გვიამბობს: "ერთი წლის წინ ბერამ სიმღერის შემსწავლელი კურსი გახსნა. კასტინგი გამოაცხადა და შვიდი კონკურსანტი შეარჩია. მასტერკლასს უცხოელი პედაგოგები გვიტარებდნენ, გვასწავლიდნენ ქორეოგრაფიას, სცენიდან მაყურებელთან კონტაქტს და ა.შ.
თუ ამ ერთწლიან კურსს არ ჩავთვლით თვითნასწავლი ვარ. ბერა ძალიან ბეგობრული ადამიანია. ხშირად მოდიოდა ჩვენთან და მონაწილეებს რჩევებს გვაძლევდა. ბერასთან მხოლოდ მეგობრული ურთიერთობა მქონდა. დღეს აღარ გვაქვს კონტაქტი, მაგრამ ვიცი, სადმე რომ ვნახო, აუცილებლად თბილად შევხვდებით ერთმანეთს"

ნინა შეყვარებულია. მისი რჩეული 19 წლის პიტო სეთურიძეა. ის მომავალი არქიტექტორია, სამხატვრო აკადემიაში სწავლობს. წყვილი ჯერ ოჯახის შექმნაზე არ ფიქრობს, ჯერ ამისთვის პატარები ვართო. ვუსურვოთ წყვილს წარმატებები და ბედნიერი მომავალი...